पारनेर तालुक्यातील जिल्हा परिषद व पंचायत समिती आरक्षण सोडत जाहीर; इच्छुक उमेदवारांनी कसली कंबर

पारनेर / भगवान गायकवाड,

पारनेर तालुक्यातील जिल्हा परिषद आणि पंचायत समिती निवडणुकीसाठी आरक्षण सोडत नुकतीच जाहीर झाली आहे.

या सोडतीनुसार, विविध गट आणि गणांसाठी खालीलप्रमाणे आरक्षण निश्चित झाले आहे.

जिल्हा परिषद गटांमध्ये जवळा गट नागरिकांचा मागास प्रवर्ग (पुरुष), सुपा गट नागरिकांचा मागास प्रवर्ग (महिला), टाकळी ढोकेश्वर गट सर्वसाधारण (महिला), ढवळपुरी गट सर्वसाधारण (महिला) आणि निघोज गट नागरिकांचा मागास प्रवर्ग (पुरुष) साठी राखीव आहे.
पंचायत समिती गणांसाठी जवळा गण आणि सुपा गण महिला सर्वसाधारण, कान्हूरपठार गण नागरिकांचा मागास प्रवर्ग (सर्वसाधारण), वाडेगव्हाण गण अनुसूचित जाती (SC-सर्वसाधारण), टाकळी ढोकेश्वर गण नागरिकांचा मागास प्रवर्ग (महिला), कर्जुले हर्या गण आणि भाळवणी गण सर्वसाधारण, ढवळपुरी गण अनुसूचित जमाती (महिला) आणि निघोज गण सर्वसाधारण, तसेच अलकुटी गण महिला सर्वसाधारणसाठी राखीव आहे.

या आरक्षण सोडतीमुळे पारनेर तालुक्यातील राजकीय वातावरण ढवळून निघाले आहे. महिला, अनुसूचित जाती-जमाती आणि मागास प्रवर्ग यांना समान संधी मिळावी, हा या सोडतीचा उद्देश आहे. इच्छुक उमेदवारांनी तयारी सुरू केली असून, स्थानिक पातळीवरील नेतृत्वाला नवीन दिशा मिळण्याची शक्यता आहे. निवडणूक प्रक्रिया लवकरच सुरू होण्याची अपेक्षा आहे, ज्यामुळे तालुक्यातील राजकीय चित्र अधिक स्पष्ट होईल.