पारनेर / भगवान गायकवाड,
पारनेर नगरपंचायतीच्या आगामी निवडणुकीसाठी नगराध्यक्षपदाचे आरक्षण जाहीर झाले आहे. सोमवारी झालेल्या आरक्षण सोडतीमध्ये पारनेरचे नगराध्यक्षपद नागरिकांचा मागास प्रवर्ग (ओबीसी )या गटासाठी आरक्षित झाले आहे.
या आरक्षणामुळे आता ओबीसी समाजातील व्यक्तींना पारनेरचे नगराध्यक्ष म्हणून काम करण्याची संधी मिळणार आहे. नगराध्यक्षपदासाठी ही सोडत जाहीर झाल्यानंतर अनेक इच्छुकांनी तयारी सुरू केली असून, राजकीय पक्षांमध्येही हालचाली वाढल्या आहेत.
यापूर्वी हे पद कोणत्या प्रवर्गासाठी होते, याची चर्चा होती. परंतु, आता ओबीसी आरक्षणामुळे निवडणुकीची समीकरणे बदलणार आहेत. ओबीसी समाजातील स्थानिक नेत्यांसाठी हे आरक्षण एक मोठी संधी घेऊन आले आहे. पारनेर नगरपंचायत साठी होणारी ही निवडणूक आता ओबीसी आरक्षणाच्या केंद्रस्थानी असल्याने अत्यंत चुरशीची होण्याची शक्यता आहे.
